បុរសម្នាក់រន្ទះបាញ់ស្លាប់នៅវាលស្រែខណៈពេលភ្លៀងមួយមេធំ
24-July-2016 | ដោយ មែន កំសត់
ពោធិ៍សាត់៖ បុរសម្នាក់បានចេញពីផ្ទះទៅវាលស្រែដេញក្របីចូលផ្ទះវិញត្រូវ រន្ទះបាញ់ចំខ្លួនបណ្តាលឲ្យស្លាប់នៅកណ្តាលវាលស្រែ។
បាតុភូត គ្រោះធម្មជាតិដ៍ឃោឃៅនេះបានកើតឡើងនៅចំណុចវាលស្រែបឹងអង្កោលខាងលិច ភូមិរបោះរាំងឃុំអូរតាប៉ោងស្រុកបាកាន ខេត្តពោធិ៍សាត់កាលពីរសៀល ថ្ងៃទី២៣ ខែកក្កដា ឆ្នាំ២០១៦។
មន្ត្រីនគរបាលស្រុកបាកានបាន ឲ្យដឹងនាព្រឹកថ្ងៃទី២៤ខែកក្កដានេះថាជនរងគ្រោះមានឈ្មោះធុចធឿម ភេទប្រុសអាយុ៣៨ឆ្នាំមានប្រពន្ធឈ្មោះ សុនលីអាយុ៣២ឆ្នាំមានកូនប្រុសស្រីក្នុងបន្ទុក២នាក់បច្ចុប្បន្ន រស់នៅភូមិរបោះរាំងឃុំអូរតាប៉ោងស្រុកបាកានខេត្តពោធិ៍សាត់។ មន្ត្រីដដែលបានបន្តថាមុនពេលកើតហេតុ ជនរងគ្រោះបានចេញពីផ្ទះទៅដេញក្របី ខណៈនោះមេឃកំពុងតែមានភ្លៀងធ្លាក់ លាយឡំជាមួយផ្លេកបន្ទោល។ ពេលជនរងគ្រោះបានដើរមកដល់ចំណុចវាលស្រែកើតហេតុស្រាប់តែមានរន្ទះបាញ់ ចំជនរងគ្រោះបណ្តាលឲ្យស្លាប់ភ្លាមៗមួយរំពេច។សពត្រូវបាន ក្រុមគ្រួសាររៀបចំធ្វើបុណ្យតាមប្រពីណី៕
ចំនួនអ្នកទស្សនា
- ថ្ងៃនេះ3951
- ម្សិលមិញ6261
- សប្តាហ៍នេះ22331
- ខែនេះ137481
- ឆ្នាំនេះ137481
- សរុប20579937